~ Şİ'R-İ MAHZUN ~ CENAP ŞAHABETTİN

Şİ'R-İ MAHZUN

Senden evvel eğer ölürsem ben Gâh ü bîgâh aç bu defteri sen; Bak şu nazm-ı şikeste-besteye kim Bana bir nazre yollasın senden! Şu kitâb-ı hazîn ü pür-hûnu Aç da gör kalb-i nâle-meşhûnu Semt-i re'sinde titresin rûhum Sen okurken bu şi’r-i mahzûnu Hâk içinde tebâh olurken ben Yeni sevdâlara düşersin sen Rûhum ağlar semâda, başkaları Va'd-ı ikbâl alır iken senden Bir rakibin dehân-ı pür-hûnu, Leb-i pür-zehr ü kîne-meşhûnu Bûs ederken seni, mezârımda Okurum ben bu şi’r-i mahzûnu! Seni yâd eylerim bu şi’r ile ben Yâd edersen beni bu şi'r ile sen Yâdigâr eylerim bu şi’ri sana Aldığım zülfe karşılık senden! Ben çekerken bu hecr-i pür-hûnu Gönlümün ka’r-ı girye-meşhûnu Ediyor katre katre istiktâb Bana gûyâ bu şi'r-i mahzûnu! Hâtırından eğer çıkarsam ben Gâh u bîgâh aç bu defteri sen; Bu müessir neşîdeyi bul kim Sana bir hoş selâmdır benden Şu kitâb-ı hazin ü pür-hûnu Aç da gör kalb-i nâle-meşhûnu! Semt-i re’sinden titresin ruhum Sen okurken bu şi’r-i mahzûnu.

Cenap Şahabettin
( 1870 -1934 )

Evrâk-ı Leyâl, S. 127-128